14 persona kanë humbur jetën si pasojë e një shpërthimi që ka ndodhur brenda një xhamie në lindje të Afganistanit.
Ajo xhami ishte duke u përdorur si qendër e regjistrimit të votuesve, shkruan Al Jazeera. Wahedd Majrooh, zëdhënës i Ministrisë së Shërbimeve Publike, ka treguar se mbi 30 veta të tjera kanë mbetur të lënduar si pasojë e këtij sulmi.
Bomba ishte hedhur mbi civilët që ishin mbledhur për lutje si dhe për t’u regjistruar si votues. Në lidhje me këtë sulm ende nuk e ka marrë askush përgjegjësinë.
Afganistani është duke u përgatitur për zgjedhjet parlamentare të cilat janë paraparë të mbahen në tetor të viti 2018.
Shfaq Komentet (0)
